БНСУ-ын Ерөнхийлөгч Монгол Улсын Ерөнхий сайдтай уулзлаа.

БНСУ-ын Ерөнхийлөгч Монгол Улсын Ерөнхий сайдтай уулзлаа.
“Солонгос, Монголын харилцааг хөгжүүлэх хүчин чармайлт”
Ерөнхийлөгч Юн Сок Ёол 15-нд БНСУ-д албан ёсны айлчлал хийж байгаа Монгол Улсын Ерөнхий сайд Лувсаннамсрайн Оюун-Эрдэнэтэй Ёнсан дахь Ерөнхийлөгчийн Тамгын газарт уулзаж, хоёр орны харилцааг хөгжүүлэх арга зам, Солонгосын хойгийн асуудлаар санал солилцов.
Ерөнхийлөгч Юн “1990 онд дипломат харилцаа тогтоосноос хойш Солонгос, Монголын харилцаа олон салбарт тасралтгүй хөгжиж ирснийг би өндрөөр үнэлж байна. Хоёр улстай хамтын ажиллагаагаа улам өргөжүүлэн хөгжүүлэхийг хүсэж байна” гэлээ.
Ерөнхий сайд Л.Оюун-Эрдэнэ хариуд нь “Монгол Улс Солонгосыг бүс нутгийн томоохон орон, найрсаг хамтын ажиллагааны харилцааг хөгжүүлэх нэн тэргүүний түнш гэж үзэж, Солонгос-Монголын харилцааг хөгжүүлэхэд улам их хүчин чармайлт гаргах болно” гэлээ.
Ерөнхий сайд Л.Оюун-Эрдэнэ Ерөнхийлөгч У.Хүрэлсүхээс 2030 онд Пусан экспог зохион байгуулах Солонгос улсыг дэмжиж буйгаа илэрхийлсэн хувийн захидлыг гардуулж, тендерт амжилт хүслээ.
Ерөнхийлөгч Юн үүнд талархаж буйгаа илэрхийлээд “Хэрэв Пусаны экспо зохион байгуулагдвал Солонгос, Монгол хоёр улс эдийн засаг, аялал жуулчлал, соёл урлаг зэрэг олон салбарт илүү нягт хамтран ажиллахаас гадна иргэдийн солилцоог нэмэгдүүлэх боломжтой болно гэж найдаж байна” гэлээ.
Сурвалжлагч О Гви Хван
2023.02.15 20:23
https://biz.chosun.com/…/15/WEGYSS7ZWJG4LFFDS5M5J6BQTU/…